ᮞᮞᮊᮜ ᮌᮥᮔᮥᮀ ᮌᮩᮜᮤᮞ᮪
Sasakala Gunung Geulis
ᮊᮎᮛᮤᮒᮊᮩᮔ᮪ ᮏᮙᮔ᮪ ᮘᮠᮩᮜ ᮃᮚ ᮞᮜᮊᮤ ᮕᮙᮏᮤᮊᮔ᮪ ᮔᮥ ᮌᮩᮞ᮪ ᮜᮤᮜ ᮍᮝᮍᮥᮔ᮪ ᮛᮥᮙᮂ ᮒᮀᮌ, ᮒᮕᮤ ᮒᮎᮔ᮪ ᮓᮤᮕᮛᮨ ᮀᮊᮩᮔ᮪ ᮘᮧᮌ ᮃᮔᮊ᮪. ᮞᮜᮊᮤᮔ ᮊᮎᮤᮓ ᮕᮤᮞᮔ᮪ ᮠᮚᮍᮩᮔ᮪ ᮘᮧᮌ ᮃᮔᮊ᮪. ᮙᮔᮦᮂᮔ ᮌᮨᮒᮦᮔ᮪ ᮔᮨᮔᮨᮓ ᮊ ᮔᮥ ᮊᮝᮞ ᮞᮀᮊᮔ᮪ ᮌᮔ᮪ᮎᮀ ᮓᮤᮕᮛᮨ ᮀᮊᮩᮔ᮪ ᮘᮧᮌ ᮃᮔᮊ᮪.
Kacaritakeun jaman baheula aya salaki pamajikan nu geus lila ngawangun rumah tangga, tapi tacan diparengkeun boga anak. Salakina kacida pisan hayangeun boga anak.
Manèhna getèn neneda ka Nu Kawasa sangkan gancang diparengkeun boga anak.
ᮊᮧᮎᮕ᮪ᮊᮩᮔ᮪ ᮓᮤᮔ ᮠᮤᮏᮤ ᮕᮩᮒᮤ ᮀ, ᮞᮜᮊᮤᮔ ᮒᮦᮂ ᮙᮩᮔᮀ ᮝᮀᮞᮤᮒ᮪, ᮚᮦᮔ᮪ ᮙᮔᮦᮂᮔ ᮊᮥᮓᮥ ᮍᮏᮥᮌ᮪ᮏᮥᮌ᮪ ᮠᮤᮏᮤ ᮒᮨᮙ᮪ᮕᮒ᮪ ᮔᮥ ᮕᮨ ᮁᮔᮂᮔ ᮃᮚ ᮓᮤ ᮘᮩᮜᮂ ᮝᮦᮒᮔᮩᮔ᮪ ᮜᮨᮙ᮪ᮘᮥᮁ ᮔᮥ ᮓᮤᮎᮤᮎᮤᮍᮔ᮪ ᮊᮥ ᮙᮛᮔᮦᮠᮔᮔ. ᮔᮥ ᮏᮓᮤ ᮞᮜᮊᮤᮔ ᮊᮥᮓᮥ ᮍᮏᮥᮌ᮪ᮏᮥᮌ᮪ ᮠᮤᮏᮤ ᮌᮥᮔᮥᮀ ᮊᮜᮚᮔ᮪ ᮊᮥᮓᮥ ᮒᮕ ᮓᮤ ᮆᮒ ᮌᮥᮔᮥᮀ. ᮄᮞᮥᮊ᮪ᮔ ᮙᮔᮦᮂᮔ ᮔᮨᮕᮤᮊᮩᮔ᮪ ᮄᮙ᮪ᮕᮤᮃᮔᮔ ᮊ ᮔᮥ ᮏᮓᮤ ᮕᮙᮏᮤᮊᮔᮔ. ᮕᮙᮏᮤᮊᮔᮔ ᮍᮏᮥᮛᮥᮀ ᮞᮀᮊᮔ᮪ ᮞᮜᮊᮤᮔ ᮔᮨᮓᮥᮔᮔ᮪ ᮕᮔᮥᮓᮥ᮫ᮂ ᮔᮥ ᮓᮒᮀ ᮓᮤᮔ ᮄᮙ᮪ᮕᮤᮃᮔᮔ. ᮒᮥᮜᮥᮚ᮪ ᮝᮆ ᮔᮥ ᮏᮓᮤ ᮞᮜᮊᮤᮔ ᮄᮔ᮪ᮓᮤᮒ᮪ ᮍᮜᮜᮔ ᮍᮏᮥᮌ᮪ᮏᮥᮌ᮪ ᮠᮤᮏᮤ ᮌᮥᮔᮥᮀ ᮕᮤᮊᮩᮔ᮪ ᮒᮕ ᮔᮨᮓ ᮊ ᮔᮥ ᮊᮝᮞ.
Kocapkeun dina hiji peuting, salakina tèh
meunang wangsit, yèn manèhna kudu ngajugjug hiji tempat nu pernahna aya
di beulah wètaneun lembur nu dicicingan ku maranèhanana. Nu jadi salakina
kudu ngajugjug hiji gunung kalayan kudu tapa di èta gunung. Isukna manèhna
nepikeun impianana ka nu jadi pamajikanana. Pamajikanan ngajurung sangkan salakina
nedunan panuduh nu datang dina impianana. Tuluy waè nu jadi salakina indit
ngalalana ngajugjug hiji gunung pikeun tapa neda ka Nu Kawasa.
Sanggeus
manggihan gunung nu dimaksud luyu jeung panuduh dina impian, manèhna
derwaè tapa salila opat puluh poè opat puluh peuting. Dina maleman peuting
panganggeusan, manèhna didatangan ku hiji putri anu geulis kawanti-wanti, èndah
ka bina-bina. Éta tèh putri anu ngageugeuh gunung nu keur ditapaan ku manèhna.
Nempo putri anu kacida geulisna, manèhna lat poho kana maksud anu saèstuna. Tug
manèhna nepi kadaèk ngawin èta putri. Padahal èta putri teh oray kajajadèn.
ᮞᮀᮌᮩᮞ᮪ ᮙᮀᮘᮥᮜᮔ᮪-ᮘᮥᮜᮔ᮪ ᮞᮜᮊᮤᮔ ᮄᮔ᮪ᮓᮤᮒ᮪, ᮕᮙᮏᮤᮊᮔᮔ ᮙᮕᮚ᮪-ᮙᮕᮚ᮪
ᮔᮦᮃᮍᮔ᮪ ᮔᮥ ᮏᮓᮤ ᮞᮜᮊᮤᮔ. ᮒᮥᮀᮒᮥᮀᮔ ᮙᮔᮦᮂᮔ ᮙᮀᮌᮤᮠᮔ᮪ ᮞᮜᮊᮤᮔ ᮊᮩ ᮁ ᮓᮤᮘᮩᮜᮤᮒ᮪ ᮊᮥ ᮻᮇᮛᮚ᮪ ᮃᮔᮥ ᮏᮓᮤ
ᮞᮜᮊᮤ, ᮞᮤᮉᮔ᮪ ᮞᮜᮊᮤᮔ ᮓᮤᮜᮨᮌ᮪ᮜᮨᮌ᮪ ᮇᮛᮚ᮪. ᮘᮊᮒ᮪ ᮊᮥ ᮑᮃᮂ ᮊ ᮞᮜᮊᮤᮔ, ᮕᮙᮏᮤᮊᮔᮔ ᮞᮒᮦᮊᮂ ᮕᮧᮜᮂ
ᮔᮦᮃᮍᮔ᮪ ᮃᮊᮜ᮪ ᮕᮤᮊᮩᮔ᮪ ᮙᮆᮠᮔ᮪ ᮆᮒ ᮇᮛᮚ᮪. ᮘᮢᮦᮂ, ᮊᮎᮤᮕ᮪ᮒ ᮕᮤᮃᮊᮜᮩᮔᮔ, ᮑᮆᮒ ᮍᮩᮛᮓ᮪ ᮆᮒ ᮇᮛᮚ᮪. ᮒᮩ
ᮊᮥᮀᮞᮤ ᮜᮤᮜ ᮇᮛᮚ᮪ ᮒᮦᮂ ᮘᮩᮔᮀ ᮊᮉᮛᮓ᮪. ᮊᮥᮞᮘᮘ᮪ ᮆᮒ ᮇᮛᮚ᮪ ᮊᮎᮤᮓ ᮌᮨᮓᮦᮙ, ᮇᮛᮚ᮪ ᮒᮦᮂ ᮓᮤᮌᮥᮞᮥᮁ ᮊᮥ
ᮊᮥᮓ, ᮓᮤᮘᮝ ᮒᮥᮛᮥᮔ᮪ ᮒᮤ ᮜᮥᮠᮥᮁ ᮌᮥᮔᮥᮀ. ᮞᮀᮌᮩᮞ᮪ ᮒᮨᮕᮤ ᮊ ᮠᮤᮏᮤ ᮒᮨᮙ᮪ᮕᮒ᮪, ᮊᮥᮓ ᮒᮦᮂ ᮓᮤᮎᮀᮎᮀ ᮓᮤᮔ
ᮠᮤᮏᮤ ᮒᮀᮊᮜ᮪. ᮊᮤᮝᮛᮤ ᮒᮨᮙ᮪ᮕᮒ᮪ ᮑᮀᮎᮀ ᮆᮒ ᮊᮥᮓ ᮒᮦᮂ, ᮊᮒᮨᮜᮂ ᮜᮨᮙ᮪ᮘᮥᮁ ᮎᮤᮊᮥᮓ.
Sanggeus mangbulan-bulan
salakina indit, pamajikanana mapay-mapay nèangan nu jadi salakina. Tungtungna
manèhna manggihan salakina keur dibeulit ku oray anu kajida badagna.
Pamajikanana kacida pisan reuwaseunana, pamajikanana ngarasa melang kanu jadi
salaki, sieun salakina dilegleg oray. Bakat ku nyaah ka salakina, pamajikanana satèkah
polah nèangan akal pikeun maèhan èta oray. Brèh, kacipta
piakaleunana,nyaèta ngeurad èta oray. Teu kungsi lila oray tèh beunang
kaeurad. Kusabab èta oray kacida gedèna, oray tèh digusur ku kuda,
dibawa turun ti luhur gunung. Sanggeus tepi kahiji tempat, kuda tèh
dicangcang dina hiji tangkal. Kiwari tempat nyangcang èta kudatèh, katelah
lembur Cikuda.
ᮘᮛᮀ ᮊᮞᮙ᮪ᮕᮊ᮪ ᮆᮒ ᮇᮛᮚ᮪ ᮛᮦᮊ᮪ ᮓᮤᮕᮆᮠᮔ᮪ ᮊᮥ ᮕᮙᮏᮤᮊᮔᮔ, ᮞᮜᮊᮤᮔ ᮌᮉᮝᮒ᮪
ᮍᮠᮜᮍᮔ᮪ ᮞᮀᮊᮔ᮪ ᮕᮙᮏᮤᮊᮔᮔ ᮒᮧᮀ ᮙᮆᮠᮔ᮪ ᮆᮒ ᮇᮛᮚ᮪, ᮞᮘᮘ᮪ ᮒᮨᮒᮨᮙ᮪ᮕᮧᮃᮔ᮪ ᮞᮜᮊᮤᮔ ᮙᮂ, ᮆᮒ ᮇᮛᮚ᮪ ᮒᮦᮂ
ᮕᮥᮒᮢᮤ ᮃᮔᮥ ᮊᮎᮤᮓ ᮌᮩᮜᮤᮞ᮪ᮔ. ᮕᮙᮏᮤᮊᮔᮔ ᮊᮎᮤᮓ ᮕᮤᮞᮔ᮪ ᮃᮙ᮪ᮘᮨᮊ᮪ᮔ. ᮊᮥᮞᮘᮘ᮪ ᮊᮩᮠᮩᮜ᮪, ᮆᮒ ᮇᮛᮚ᮪
ᮓᮤᮕᮆᮠᮔ᮪ ᮊᮃᮞᮥᮕ᮪ ᮞᮜᮊᮤᮔ ᮔᮥ ᮌᮩᮞ᮪ ᮒᮩ ᮄᮍᮨᮒ᮪ ᮓᮩᮄ ᮊ ᮕᮙᮏᮤᮊᮔᮔ.
Barang kasampak èta oray rèk dipaèhan ku
pamajikanana, salakina geuwat ngahalangan sangkan pamajikanana tong maèhan èta oray,
sabab tetempoan salakina mah, èta oray tèh putri anu kacida geulisna.
Pamajikanana kacida pisan ambekna. Kusabab keuheul, èta oray dipaèhan kaasup
salakina nu geus teu inget deui kapamajikanana.
ᮠᮩᮜᮩᮒ᮪ ᮞᮙᮤ ᮀᮌᮥ ᮒᮤ ᮠᮛᮤᮒ, ᮘᮀᮊᮦ ᮇᮛᮚ᮪ ᮏᮩ ᮀ ᮜᮚᮧᮔ᮪ ᮞᮜᮊᮤᮔ ᮍᮤᮜᮨᮞ᮪
ᮒᮚ ᮛᮛᮒᮔᮔ. ᮎᮩᮊ᮪ ᮎᮛᮤᮒ ᮙᮂ ᮍᮏᮓᮤ ᮇᮛᮚ᮪, ᮔᮥ ᮒᮥᮜᮥᮚ᮪ᮔ ᮑᮤᮎᮤᮍᮔ᮪ ᮆᮒ ᮌᮥᮔᮥᮀ, ᮔᮥ ᮊᮤᮝᮛᮤ ᮊᮒᮨᮜᮂ
ᮌᮥᮔᮥᮀ ᮌᮩᮜᮤᮞ᮪ ᮔᮥ ᮕᮨ ᮁᮔᮂᮔ ᮓᮤ ᮏᮒᮤᮔᮍᮁᮧ ᮊᮘᮥᮕᮒᮨᮔ᮪ ᮞᮥᮙᮨᮓᮀ.
Heuleut saminggu ti harita, bangkè oray jeung layon salakina ngiles taya raratanana. Ceuk carita mah ngajadi oray, nu tuluyna nyicingan èta gunung, nu kiwari katelah gunung geulis nu pernahna di Jatinangor Kabupaten Sumedang.
Download PDF silahkan copy link dibawah ini :
https://acefile.co/f/102699385
